"Ileqqupiluit ullumikkut aqaguminngaanniit allonngortikkuminarnerupput."

›››  Jiddisch-it ussataa

Allornernut kisitsissut - eqqortoq qanoq pissarsiarissavara? 

Skridttællere i Sundhedsvæsenet

Alle borgere i Grønland kan få udleveret en skridttæller ved at henvende sig hos Sundhedsvæsenet.

 

Allornernut kisitsissutit (skridttællere):

Unamminermik allornermut kisitsissut atugariniagaq sorliisanersoq nammineq aalajangissavat, kisianni maluginiagassaavoq allornernut kisitsissutit ilaasa allornerit tamarmik kisinneq ajorai, aatsaallu allornerit 5 imal. 6 sinneraani aatsaat kisitsilluni aallartittartoq. Nioqqutissamut ilitsersuut atuaruk imal. pisiniarfimmi sulisoq aperiguk.

Sumut inissinneqassava? Allornernut kisitsissutit amerlanerusut siffissap saarnganut qanilluni inissinneqassaaq ( immaqa unngersamut ikkillugu), kisianni ilai kaasarfimmeerneqarsinnaaput imal. nivingatinneqarsinnaallutit ujamitut. Ilitsersuut atuaruk imal. pisiniarfimmi sulisut aperikkit.

 

Allornernut kisitsissut eqqortumik kisitsiva? Allornernut kisitsissut ateriarlugu 50-nik allorit allornitit nammineq kisiitigalugit. Taamaariarlutit misissoruk kisitsissutip allassimasortaa qanoq inerneqarnersoq. Inernera 10%-timik nikingasinnaavoq imatut paasillugu +/- allornerit 5 nikingasinnaavoq. Ileqquliukku taamatut misilittarneq sap. ak. 2 -3-kaarlugu.

Allornernut kisitsissut sorleq unnersuussutigisinnaavarput?:

DiabetesGruppip allornernut kisitsissutit arlallit misillinnikuaat assigiinngitsunik akillit.

Paasivarput allornernut kisitsissutit akikinnerseernaveersaagassaasut tatiginannginnerimmata kisitsineri.

Allornernut kisitsissut timersornermut tunngasunut pisiniarfimmi imal. internettikkut pisiarisinnaavat.

 

Siunnersuutigisinnaavarput:

  • Friskop.dk-p nammineq allornernut kisitsissuutiliaa. Atorlugu ajornanngittuaraavoq, initinngilaq, mattusuuvoq allunaasartaqarlunilu bateerissamaateqareerlunilu.

Akeq: ataaseq 139,- kr. Pingasut 330,- kr.

www.friskop.dk/public/stepcounter

  • Aamma allornernut kisitsissut allaq, assigiinngitsunik atortulik, soorlu sap ak. ataatsip iluani allukat eqqaamasinnaallugit, tassaavoq Yamax Digi-Walker. Anginerulaarpoq allunaasartaqarlunilu mattusuuvoq.

Akeq: ataaseq 179,75 kr.

www.homecare.dk/shop/skridttaellere-12c1.html