"Massakkut timersornissannut piffissamik nassaarnianngikkuit, siunissami napparsimanissannut piffissamik nassaartariaqassuutit."

›››  Wayne Pickering

Amisut pillugit 

 

 Amisut logo

Amisut-mi Ilisarnaaterput pillugu:

Puisinnguaq ilisarnaaterput sananeqarpoq illuni titartaasartoq eqqumiitsuliortorlu  Naja Rosing-Asvid-imik(www.NajaRosingAsvid.dk)

 

Kikkuuvugut?

Inuunermi pissutsinut Gruppi projektgruppiuvoq arlarteqqaarpugut DiabetesGruppiulluta ( 2008 - 2011) , Kalaallit Nunaata peqqinnissaqarfianut ilaalluni, inissisimavorlu Nuummi, Dronning Ingridip Peqqissaaviani. Inuunermi pissutsinut Gruppip inuttarai nakorsaq, peqissaasoq, nerisaqarnermi immikkut ilisimasalik isikkanillu ajoqqutaajaasartoq, ullut tamaasa sukkortunik sullissisartoq.

Tunulequtat siunnertallu:

Nittartagap pilersinneqarneranut tunngaviuvoq 2009mi "Tour de Grønland"-imut iluatitsinerput. Taamani inuit 610 ilaapput Nuummi suliffeqarfinniit holdit 122 peqataallutit. Unammissutigaat sukkaniullutit siulliuniarlutit Kalaallit Nunaat pisullugu kaajallallugu. Taamaaliorput allornermut kisitsissut atortoralugu.  

Unammisitsinerup ingerlanerani piffissarujussuaq allaffissornermut atorneqarpoq, taamaatorliuna una nittartagaq nutaaq inuk nammineerluni "iseriarluni" aalajangersinaallugu sorlermut unammisitsinermut ilanngukkusunnerluni, nammineerluni ullormut allornerit amerlassusai ingerlateqqissinnaallugit.

Ulluinnarni sullissaraarput inuit assigiingitsutigut peqqiilliortut, misilittagaqarfigilluarlugulu kajumissaarisarnertigu timertik aalatinnerulernikuullugit - ikiuutittut iuaqutaalluartutut  atugatta akornaniipput allornermut kisitsissutit.

"Tour de Grønland"-ip paasitippaatigut atortut annikittut atorlugit (allornermut kisitsissut, kajumissaarineq, unammieqataaneq) inuppassuit kajumissaartinneqalersinnaasut ulluinnarmi timertik aalatinnerulersinnaanerannut.


Nittartagap imassai:

Nittartagaq imarisamigut annertusarneqassaaq  piffissap ingerlanerani, ineriartortitat naammassiartuaarneri naapertorlugit.

Atulerneqartussatut siullertut aallartippoq unammisitsinerit, nammineerluni atuisutut iseriarluni unammillernernut ilanngullussinnaaneq (april, maj 2010).

Kingorna saqqummerumaarput assigiinngitsut, soorlu:

  • Timimik aalatitsineq - paasissutissat, links
  • Nerisassat peqqinnartut - paasissutissat, opskriftit, ukiup ingerlaneranut naleqqussakkat
  • Avatangiisimut eqqumaarinneq - iliuuserisinnaasanut siunnersuutit
  • Nutaarsiassat
  • Susoqarpa sumi? - Sumiifinni assigiinngitsuni pisussat
  • Naapeqatigiifik - attaveqaqatigiinneq, oqaluttuaq nuannersoq
  • Misilittinnerit assigiinngitsut - sukkornermut missingersuineq, BMI-mut naatsorsuineq, peqqissutsimut misiliut il. il. 
  • Sukkornermut paasissutissat - pinaveersartititsiniarneq katsorsarneqarnerlu