Massakkut timersornissannut piffissaqanngikkuit, siunissami napparsimanissaq piffissaqarfigisariaqassavat.

›››  Edward Stanley

InuunerissarfikCafé 

Livsstils Caféer I 2017

 

InuunerissarfikCafé innuttaasunut imminnut peqqissutsimminnut soqutiginnittunut neqeroorutaavoq. Periarfissaqarpoq inuunermi pissutsinut tunngasunik oqaloqatiginninnissaq puaallu misissorneqarsinnaallutit(spiromtri). Tassunnanngarniaraani piffissamik inniminneeqqaartariaqanngilaq. 

Qaamatit tamaasa sisamanngorneq kingulleq nal. 16:00 - 17:30 InuunerissarfikCafé ammasarpoq Nuummi Dronning Ingridip Peqqissaavianni. (Inersimasunut 18-leerersimasunut neqeroorutaavoq) 

InuunerissarfikCafé ussassaarutigineqartarpoq Nuuk Ugeaviisikkut, nittartakkatigut: www.amisut.gl aammalu uani: www.facebook.com/amisut.

Malugiuk: Aasaanerani decembarimilu InuunerisarfikCafé-qanngilaq. Nuuk Ugeavis takuuk.

Soqutiginnillutit takkuttut tamarmik inuunermik pissutsinut tunngasunik skemamik immersugassamik pisarput, tassanilu immersorneqartarput angissuseq, oqumaassuseq allallu inooriaatsimut attuummassuteqartut.

Dronning Ingridip Peqqissaaviannut iseraanni utaqqisarfimmiipput uuttuutit, angissusermut uuttuutit, qitimut uuttuutit, nammineq uuttugassat isumageriarlugit allattorneqassapput skemamut.

Sulisoqassaaq ikiuunnissamut innersuinissamullu piareersimasunik. Piumagaanni allornernut kisitsissummik pisoqarsinnaavortaaq.

Atuagassiaq "Inuunermi pissutsinut najoqqutassaq" "Nerisaqarnermut innersuussutit qulit" nivinngagassaq tiguinnarneqarsinnaapput assiginngitsunillu plakaatinik nivingasoqassaaq aap naqitsineranut, BMI, puaat puannillu uutuinermut paasissutissanik imallit.  

Inuunermi pissutsit pillugit oqaloqatiginninneq

Periarfissaqarpoq peqqinnissaqarfimmi sulisoq kisimiillutit oqaloqatiginissaannut.

Oqaloqatiginninnermut qitiussaaq skeemaq immersorsimasaq, aallu naqitsinera uutorneqarsinnaavoq, pisariaqartinneqassappalli sukkornermut aaversittoqarsinnaalluni.

 

Puaat sulineranni uuttortartinneq (spirometri)

Periarfissaavoq aamma puaat sulineranni uuatortartinneq (spirometri).

 

Utaqqisarfimmiippoq karseq, tassunngali siunnersuutit, isumat InuunerissarfikCafémut tunngasut ingerlateqqikkusutat ikineqarsinnaapput.

 

Annertunerisunik paasisaqarusukkuit uunnga allassinnaavutit: sund@peqqik.gl